2019-yil 20-mart kuni iste’foga chiqqan Qozog‘istonning birinchi prezidenti Nursulton Nazarboyev rahbarlikdan ketish vaqtidagi voqealarni gapirib berdi. 

Bu haqda Nazarboyevning o‘z saytida chop etilgan «Mustaqillik saboqlari» maqolasida so‘z yuritilgan.

«Ikki yarim yil avval shtatda yuqori lavozimli amaldor almashtirildi. Menga aytganlar ko‘p bo‘ldi: «Konstitutsiyaga ko‘ra, sizning prezidentligingiz uchun hech qanday cheklovlar yo‘q. Oxirgi saylovlarda siz uchun saylovchilarning deyarli 98 foizi ovoz berdi. Ushbu lavozimda ishlashda davom eting». Lekin hamma narsaning o‘z vaqti va o‘z navbati bor», — deya ta’kidlagan sobiq prezident.

Nazarboyev 30 yil davomida hokimiyatda ko‘plab munosib shogirdlarni yetishtirganini, ulardan biri mamlakatni Qosim-Jo‘mart To‘qayev boshqarib kelayotganini ta’kidlagan. Nazarboyev uni «haqiqiy vatanparvar» va «yuqori professional» deb ta’riflagan, shuningdek, uni hamkasb deb atagan.

«Prezidentlar o‘zgaradi, lekin mustaqilligimiz abadiy va daxlsiz bo‘lib qolishi kerak. Buning uchun har bir qozog‘istonlik o‘z poydevorini mustahkamlashga, qudratini oshirishga, o‘zining yaxshi nomini asrab-avaylashga da’vat etiladi», — deya xulosa qilgan Nazarboyev.

Uning qo‘shimcha qilishicha, mustaqillik yillarida Qozog‘iston butun dunyo hurmat qiladigan davlatga aylangan.

Avvalroq Nazarboyev davlatning hukmron partiyasi «Nur Otan» raisligidan ketmoqchi ekanligi ma’lum bo‘lgan edi.