Namunali uy olaman deb namunasiz yo‘l tutdi
2019-yili Farg‘ona shahrida A.X. ismli ayol tanishi G.A. ismli ayolning ishonchiga kirdi. 5000 dollar evaziga shaharda qurilayotgan namunali uylardan olib beraman deb ishontirdi. Pulni olgach bergan va’dasini unutdi, dollarni esa o‘z ehtiyojlariga ishlatib yubordi. Bu haqda Farg‘ona viloyati IIB Axborot xizmati xabar berdi.
Mazkur holat yuzasidan Farg‘ona shahar IIO FMB huzuridagi tergov bo‘limi tomonidan Jinoyat kodeksining 168-moddasi 2-qismi «a» bandi (firibgarlik) bandi bilan jinoyat ishi qo‘zg‘atilib, tergov harakatlari olib borilmoqda.
Eslatib o‘tamiz, Jinoyat kodeksining 168-moddasi 2-qismida ko‘rsatilgan jinoyatni sodir etgan shaxs besh yilgacha ozodlikdan mahrum qilish bilan jazolanadi.
Farg‘ona viloyat ichki ishlar boshqarmasi fuqarolarni hushyor bo‘lishlarini, aks holda firibgarlarga aldanib qolishlari mumkinligi haqida ogohlantiradi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter