Moskvada termoyadro bombasi kashfiyotchilaridan biri o‘lik holda topildi
Moskvada sobiq ittifoq davrida ishlab chiqilgan ikki bosqichli RDS-37 termoyadro bombasi kashfiyotchilaridan biri bo‘lgan 92 yoshli fizik Grigoriy Klinishov o‘z joniga qasd qildi.
TASS xabariga ko‘ra, olim o‘limidan oldin yaqinlariga maktub qoldirgan.
Klinishov 1930 yilda tug‘ilgan. U fizika-matematika fanlari nomzodi, 1962 yilda SSSRning eng nufuzli Lenin nomidagi davlat mukofotiga sazovor bo‘lgan.
Olim RDS-37 dan tashqari yangi avlod termoyadro bombalari zaryadlarining bir nechta tiplarini o‘ylab topgan.
RDS-37 termoyadro bombasining sinovi 1955 yil 22 noyabrda Qozog‘istonning Semipalatinskidagi poligonda o‘tkazilgan edi. O‘shanda bombaning portlatilishi oqibatida 59 aholi punktidagi binolarga zarar yetgan. Portlash epitsentridan 200 kilometr atrofdagi hududlarda uylarning oynalari singan.
Termoyadro bombasi sinovi oqibatida bir necha o‘n odam jarohatlangan. Uch yoshli bir bolakay va bir nafar harbiy halok bo‘lgani qayd etilgan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter