«Mona Liza»ga Luvrda alohida zal ajratiladi
Fransiya prezidenti Emmanuel Makron Leonardo da Vinchining «Mona Liza» («Jokonda») asari Luvrning alohida zaliga ko‘chirilishi haqida bayonot berdi. Surat muzeydagi boshqa ekspozitsiyalardan ajratilib, uni kirib ko‘rish uchun alohida eshik ochiladi, deyiladi The New York Times xabarida.
Luvr rekonstruksiya qilinadi, «Jokonda»ni tomosha qiluvchilar uchun esa alohida kirish yo‘li ochiladi, dedi Makron.
The New York Times ma’lumotiga ko‘ra, har kuni Luvr muzeyini tomosha qilish uchun 30 ming kishi tashrif buyuradi, ularning taxminan 80 foizi aynan «Mona Liza» uchun kelishadi. Shu sababdan uzoq yillardan buyon asarni alohida zalga ko‘chirish taklif qilib kelinmoqda.
Rekonstruksiya doirasida Luvrga oynavand piramidadan tashqari yana bir kirish yo‘lagi ochiladi va bino atrofidagi hudud yangilanadi. Ta’mirlash ishlarini 2031-yilda yakunlash rejalashtirilgan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter