Aql-idrokni oshirish uchun «sehrli tabletka» mavjud bo‘lmasa-da, diqqatni oshiradigan va xotirani mustahkamlaydigan mahsulotlar mavjud. Ular orasida yong‘oq, choy va qahva kabi mahsulotlar bor.

Shuningdek, miyaning normal ishlashi uchun qon aylanishini yaxshilaydigan va qon tomirlari devorlarida xolesterin plitalari paydo bo‘lishining oldini oladigan moddalar muhimdir. Bu haqda rossiyalik shifokor Aleksey Kabanov ma’lumot bermoqda.

Mutaxassisning fikriga ko‘ra, yong‘oq va urug‘lar yuqori protein miqdori va to‘yingan yog‘lar tufayli miya faoliyati uchun eng yaxshi mahsulotlar qatoriga kiradi. Yong‘oqlarda mavjud bo‘lgan Ye vitamini ham yoshga bog‘liq kognitiv pasayishni kechiktirishga yordam beradi.

Mevalar ham miya uchun foydali. Ularning tarkibidagi glyukoza va fruktoza asab hujayralariga zarur energiya beradi va konsentratsiyaga hissa qo‘shadi.

«Qahva va choy ham diqqatni jamlashga yordam beradi. Bundan tashqari, kofeinni muntazam iste’mol qilish qisqa muddatli xotiralarni mustahkamlashga yordam beradi va ularni uzoq muddatli qiladi. Asosiysi, me’yorni saqlash: ertalab kuniga 4 stakandan ko‘p bo‘lmagan qahva ichish tavsiya etiladi. Kofeinning ortiqcha bo‘lishi asab tizimining haddan tashqari qo‘zg‘alishiga olib keladi», — dedi Aleksey Kabanov.

Mutaxassis, shuningdek, to‘yimli nonushta organizmni energiya bilan ta’minlashi, diqqatni jamlashga yordam berishini va qisqa muddatli xotirani yaxshilashini ta’kidladi.