La Liga: «Sevilya» derbida «Betis»ni mag‘lub etdi
Ispaniya chempionati — La Liga 95 kunlik tanaffusdan keyin qayta start oldi. 28-turning ilk o‘yinida «Sevilya» klubi «Betis»ni tomoshabinlarsiz stadionida qabul qildi. «Ramon Sanches Pisxuan»dagi derbida mezbonlarning qo‘li baland keldi.
Birinchi taymda gol urilmadi. Ikkinchi taymning 56-daqiqasida yarimhimoyachi Lukas Okamposning aniq penalti zarbasi mezbonlarni oldinga olib chiqdi. Oradan olti daqiqa o‘tib Fernando ikkinchi golni urib «Sevilya»ning g‘alabasini mustahkamladi — 2:0.
«Sevilya» — «Betis» — 2:0
Gollar: Okampos, Fernando.
«Sevilya» 50 ochko to‘plab, La Liga turnir jadvalida «Real Sosedad» va «Xetafe»ni 4 ochkoga ortda qoldirgan holda, uchinchi o‘rindagi mavqeini mustahkamlab oldi. Undan oldinda borayotgan «Real» 56 ochkoga ega. Turnir peshqadami — «Barselona» hisobida 58 ochko bor.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter