Koronavirusning oziq-ovqat yoki qadoqlangan mahsulotlar orqali yuqish ehtimoli nihoyatda kam. Infeksiya tarqalishi savdo cheklovlariga sabab bo‘lishi mumkin emas, dedi Jahon sog‘liqni saqlash tashkiloti (JSST) Yevropa byurosining zoonoz kasalliklar va oziq-ovqat xavfsizligi bo‘yicha texnik mutaxassisi Piter Xoyskov.

«Shuni ta’kidlash kerakki, gap savdo cheklovlari yoki savdo cheklovlarini asoslash haqida ketmasligi emas. COVID oziq-ovqat mahsulotlari xavfsizligiga tahdid solmayotgani juda muhimdir, men shuni ta’kidlamoqchiman», — dedi Xoyskov JSST va BMT Oziq-ovqat va qishloq xo‘jaligi tashkiloti (FAO) tomonidan tashkil etilgan vebinarda.

O‘z navbatida, FAO oziq-ovqat mahsulotlari sifati va xavfsizligi bo‘yicha mutaxassisi Jeffri Lejyonning ta’kidlashicha, virus har safar joyini o‘zgartirganda, masalan, sotuvchining qo‘lidan buyum yuzasiga, keyin esa oziq-ovqat yoki qadoqlangan mahsulotga o‘tganda uning konsentratsiyasi pasayadi. Shunday ekan, mahsulotni ushlagandan so‘ng infeksiyani yuqtirib olish ehtimoli kam, dedi u.