Muxbirlarni kaltaklagan mulozim ishdan haydaldi
Zo‘rTV telekanali muxbiri va tasvirchisini kaltaklagan mas’ul ishdan olindi. Bu haqda «O‘zbekiston temir yo‘llari» xabar bermoqda.
14 avgust kuni ijtimoiy tarmoqlar orqali «Ko‘prikqurilish» tresti UK tomonidan amalga oshirilayotgan Toshkent xalqaro aeroportiga olib boruvchi yo‘l o‘tkazgich qurilishi ob’yektida Zo‘rTV telekanali muxbiri va tasvirchisiga nisbatan xizmat faoliyati vaqtida haqoratli so‘zlar bilan tasvirga olish ishlariga to‘sqinlik qilgani va kuch ishlatgani haqidagi videolavha tarqalgandi.
«O‘zbekiston temir yo‘llari» AJ rahbariyati OAV vakillariga zo‘ravonlik ko‘rsatib, ularga qarshi kuch ishlatgan xodim - «Ko‘prikqurilish» tresti unitar korxonasi otryad ish boshqaruvchisi N.Eshniyazovning ishini keskin qoralagan.
Mazkur holat yuzasidan zudlik bilan ishchi guruh tuzilib, bugunning o‘zida N.Eshniyazov Mehnat kodeksining tegishli bandlariga asosan ishdan bo‘shatildi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter