Jizzaxda uch metrlik ulkan ilon topildi
Bugun ijtimoiy tarmoqlarda «G‘allaorol tumani Juma bozori tarafda 3 metrlik ilon chiqdi» sarlavhasi ostida xabarlar tarqaldi.
Tarqalgan xabarlar yuzasidan @ekologuz Jizzax viloyat Ekologiya va atrof-muhitni muhofaza qilish boshqarmasi matbuot xizmati kotibi Zamira Abdullayeva bilan bog‘langan.
Matbuot xizmati kotibining ma’lumot berishicha, bunday tur ilonlar O‘zbekiston hududida uchramaydi. Video va suratlardagi piton iloni G‘allaorol tumani "Olimlar" MFY hududidagi ochiq maydonga sel bilan oqib kelgan va cho‘ponlar tomonidan topilgan. Tarqalgan xabarlar yuzasidan G‘allaorol tumani Ekologiya bo‘limi va IIB birgalikda ushbu holatni o‘rganilmoqda.
Ilon qayerda va kim tomonidan suvga tashlanganligi haqidagi to‘liq ma’lumotlar olinishi bilan yana qo‘shimcha xabar berilishi kutilmoqda.
Eslatib o‘tamiz, avvalroq Toshkent viloyatida ham piton ilon o‘lik holda topilgandi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter