Hamshiralik o‘rnini 2,5 ming dollarga «sotmoqchi» bo‘lgan shaxslar ushlandi
Bosh prokuratura huzuridagi Departamentning Kogon shahar bo‘limi tomonidan o‘tkazilgan tezkor tadbirda fuqarolar Z.K. va D.K. o‘zaro til biriktirib, fuqaro M.R.ni yuqori lavozimda ishlovchi tanishlari yordamida Buxoro Perinatal markaziga ishga kiritib qo‘yishi evaziga 2 500 AQSh dollarini olgan vaqtlarida ashyoviy dallilar bilan ushlangan.
Shu kabi, Departament hamda DXXning Qoraqalpog‘iston Respublikasi boshqarmalarsi tomonidan o‘tkazilgan tezkor tadbirda Qoraqalpog‘iston Respublikasi bolalar tibbiyot reabilitatsiya markazida bo‘lim bo‘lim boshlig‘i G.X. fuqaro A.A.ni yuqori lavozimda ishlovchi tanishlari yordamida 2 000 AQSh dollari evaziga Nukus shahridagi oilaviy poliklinikaga ishga kiritib qo‘yishini aytib, 22 mln so‘mni olgan vaqtida ashyoviy dalillar bilan ushlangan.
Mazkur holatlar yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishlari qo‘zg‘atilib, tergov harakatlari o‘tkazilmoqda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter