«Forrest Gamp» asari muallifi vafot etdi
«Forrest Gamp» filmidan lavha.
Amerikalik yozuvchi, «Forrest Gamp» asari muallifi Uinston Grum 77 yoshida vafot etdi. Bu haqda Ferhop shahri (Alabama shtati) meri Kerin Uilson ma’lum qildi.
«Og‘ir qayg‘u ila aziz do‘stimiz Uinston Grum vafot etganini ma’lum qilmoqchiman. Ferhop bugun afsonaviy yozuvchidan judo bo‘ldi», — deb yozdi mer «Facebook»da.
1986-yilda yozilgan «Forrest Gamp» romani Grumning eng mashhur asari edi. Asarning 1994-yildagi kinotalqini (bosh rolni Tom Henks ijro etgan) oltita «Oskar» olgan.
Grum 1995-yili asarning davomini yozgan — «Gamp va kompaniya», ammo uni ekranlashtirishga urinishlar besamar ketgan. Forrest Gamp haqidagi romanlaridan tashqari, Grum non-fikshn (ilmiy adabiyot) janrida ham qator kitoblar yozgan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter