Finalga chiqqan yetti bokschimizdan olti nafari g‘olib bo‘ldi
Kecha boks bo‘yicha Fransiyada bo‘lib o‘tgan xalqaro turnirda sakkiz bokschimizdan yetti nafari finalga chiqqani haqida xabar bergan edik.
Ular oltita oltin hamda bittadan kumush va bronza medaliga sazovor bo‘lishdi, deb xabar berdi «O‘zA».
Nufuzli turnirda o‘z vazn toifalarida barcha raqiblarini mag‘lubiyatga uchratgan Abdulxay Shoraxmatov, Shukur Rahimov, Aliyor Noraliyev, Fazliddin Meliboyev, Odiljon Aslonov, Sardor Yormuhammedov oltin medalni ko‘lga kiritdi.
«A» sinfiga mansub bo‘lgan turnirning 81 kilogramm vazn toifasida mamlakatimiz sharafini himoya qilgan Madiyor Saidrahimov kumush, vazni 91 kilogrammdan ortiq bo‘lgan Ulug‘bek Mubinov esa bronza medal bilan taqdirlandi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter