«Kim deyay seni?» filmining katta premerasi bo‘lib o‘tadi
Ertaga Kinochilar uyida soat 17:00 da Kinematografiya agentligi hamda Milliy kinematografiyani rivojlantirish Markazi bilan hamkorlikda rejissyor Qamara Kamalovaning «Kim deyay seni?» kinokartinasining katta premerasi o‘tkaziladi.
Premeraga mutaxassislar, ijodkorlar, OAV vakillari, yoshlar va kinomuxlislar taklif etiladi.
Ssenariy muallifi va postanovkachi rejissyor Qamara Kamalova, postanovkachi operator Oskar Baxtiyev, postanovkachi rassom Behzod Nazarov, grimyor Dilshoda Tilavova, liboslar bo‘yicha rassom Irina Litvinenko.
Kinokartinada keksalik chog‘ida yolg‘iz qolgan teatr aktrisasi va uning uyiga tasodifan kelib qolgan o‘smir qizning taqdiri haqida hikoya qilinadi.
Ma’lumot uchun, film rejissyori Qamara Kamalova O‘zbekistonda xizmat ko‘rsatgan san’at arbobi, birinchi o‘zbek ayol rejissyori bo‘lib, ijodi davomida ko‘plab filmlarni suratga olgan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter