San-Fransisko (Kaliforniya shtati, AQSh)da 139 yil ilgari viktoriancha uslubda qurilgan uy boshqa joyga ko‘chirildi.

Uy egasi Tim Braun ko‘chishga 400 ming dollar sarflab, shahardagi 15 ta idorani ko‘ndirishiga to‘g‘ri kelgan.

Kattagina uy shahar ko‘chalaridan maxsus transportda olib o‘tilib, olti daha nariga joylashtirildi.

“It’s like a Mardi Gras procession”: Crowd follows 139-year-old S.F. Victorian's trek to new home. Watch the video and read the full story here: https://t.co/TcLPHigtwb pic.twitter.com/IJacdyB16W

— San Francisco Chronicle (@sfchronicle) February 22, 2021

Reja avvaldan puxta o‘ylandi: ko‘chadagi daraxtlarning xalaqit beradigan shoxlari kesildi, yo‘l belgilari vaqtincha olib turildi, mashinalar turadigan joylar o‘zgartirildi.

Aytishlaricha, uylarning «ko‘chib yurishi» San-Fransisko uchun yangilik emas, bunaqa katta ko‘chish oxirgi marta 50 yil avval yuz bergan ekan.

Braunning viktoriancha uyiga ishlamayotgan o‘likxona yonidan joy topildi... Uning uyidan bo‘shagan joyda esa 48 xonadonli 8 qavatli uy qurishmoqchi.