Eron AQSh terma jamoasini 10 ta o‘yindan chetlatishni talab qilyapti
Qatardagi jahon chempionatida ishtirok etayotgan AQSh terma jamoasi matbuot xizmati emblemasiz Eron bayrog‘i suratini e’lon qildi. Matbuot xizmati keyinroq tushuntirishicha, bu ishni inson huquqlari uchun kurashayotgan eronlik ayollarni qo‘llab-quvatlash maqsadida qilishgan.
Eron o‘z davlat ramzi haqoratlanganiga javoban AQSh terma jamoasini 10 ta o‘yindan chetlatishni talab qilmoqda.
Eslatib o‘tamiz, B guruhining so‘nggi, uchinchi turida Eron va AQSh 30-noyabr kuni o‘zaro kuch sinashadi. O‘yin tungi soat 00:00 da boshlanadi. O‘tkazilgan ikki o‘yindan so‘ng Eron guruhda ikkinchi (3 ochko), AQSh uchinchi (2 ochko) o‘rinni egallab turibdi. G‘alaba har ikki jamoani keyingi bosqichga olib chiqadi, Eron uchun durang ham yetarli bo‘lishi mumkin (buning uchun Angliya Uelsga yutqazmasligi kerak).
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter