Yerni kuchli magnit bo‘roni kutmoqdami? Xavotirli xabarlarga izoh
Ijtimoiy tarmoqlarda «yaqin kunlarda Yerni kuchli magnit bo‘roni qoplaydi» degan xabarlar tarqalmoqda.
Rossiya Fanlar Akademiyasi kosmik tadqiqotlar instituti quyosh-rentgen astronomiyasi labaratoriyasi o‘z rasmiy sahifasiga bu xabarlarni inkor etuvchi prognozni joylagan.
Prognozda kelgusi uch kunlikda magnit bo‘roni bilan bog‘liq xavf mavjud emas. Unda 9 ballik shkalada 3 ballik faollik aks etgan. Bu, xavfsiz «yashil» daraja bo‘lib, tarmoqlar va inson salomatligiga sezilarli ta’sir ko‘rsatuvchi kuchli qo‘zg‘alish emas.
Quyosh dog‘ida juda kuchli portlash va undan katta miqdorda issiqlik plazmasi ajralib chiqqani rost, ammo uning ta’siri Yerda kuchli geomagnit bo‘ronlarini keltirib chiqarishi prognoz qilinmayapti, deyiladi meteorologlar izohida.
Avvalroq, Gidrometxizmat 2-4 aprel kunlari kutilayotgan kuchli yomg‘irlar yog‘ishi sababli aholini ogohlantirgandi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter