Endi basketbolchilarning ham milliarderi bor
Amerikalik mashhur basketbolchi, ikki karra olimpiya chempioni LeBron Jeyms endi milliarder. NBA da o‘ynayotgan basketbolchilardan hali birontasi milliarder bo‘lgan emas.
«Los-Anjeles Leykerz»ning 37 yoshli bastketbolchisi LeBron Jeyms o‘tgan yili 121,2 million dollar daromad qilib, jami pullari 1 milliard dollarga yetdi, deb yozdi «Forbes».
Shu paytgacha faqat afsonaviy Maykl Jordan milliarderga aylangan. Biroq u 1-milliardini 2014-yilda, sportdagi faoliyatini tugatganidan so‘ng 11 yil o‘tib ishlab topgan.
LeBron Jeyms — 4 marta NBA chempioni, AQSh terma jamoasi bilan ikki marta Olimpiya chempionligini qo‘lga kiritgan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter