Chilonzordagi klinikada shifokor ayol boshlig‘i tomonidan kaltaklandi
Ijtimoiy tarmoqlarda Toshkent shahar Chilonzor tumanida joylashgan klinikada ishlaydigan shifokor homilador ayol boshlig‘i tomonidan kaltaklanganidan so‘ng, ayolning qornidagi bolasi tushib qolgani aytilgan video tarqaldi. Holat yuzasidan Toshkent shahar IIBB Axborot xizmati xabar berdi.
Qayd etilishicha, 14 iyun kuni taxminan soat 18.00 larda Chilonzor tumani 6-mavze hududida joylashgan klinika binosida, 1982 yilda tug‘ilgan K.A. va 1982 yilda tug‘ilgan U.X. o‘zaro ish faoliyati yuzasidan tortishib qolib, janjallashib ketishgan. Janjal natijasida fuqaro K.A. shifoxonaga murojaat qilgan.
Mazkur holat yuzasidan Chilonzor tumani IIO FMB tomonidan tergovga qadar tekshiruv o‘tkazilmoqda. Natijasi bo‘yicha qonuniy qaror qabul qilinishi ta’minlanadi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter