Buxorodagi do‘kon yerto‘lasida gaz portladi: bir kishi vafot etgan
Bugun, 1-mart kuni soat 08:57 larda Buxoro shahri Yoshlik mahallasidagi avtomobil ehtiyot qismlari do‘koni yerto‘lasida, dastlabki ma’lumotlarga ko‘ra, gaz-havo aralashmasining chaqnashi sodir bo‘ldi.
Do‘kon ikki qavatli binoning 1-qavatida joylashgan bo‘lib, portlash oqibatida 1-qavatning 2 dona beton plitasi qulab tushgan.
Chaqnash sababi va zarari aniqlanmoqda. Voqea joyida yong‘in sodir bo‘lmagan.
Ma’lum qilinishicha, hodisa oqibatida 1 nafar fuqaro olgan tan jarohatlari bilan voqea joyida halok bo‘lgan. Yana bir nafar fuqaro turli darajadagi tan jarohatlari bilan shifoxonaga yotqizilgan.
Voqea joyiga viloyat va shahar FVB rahbariyati hamda yong‘in-qutqaruv ekipajlari va tegishli idoralar xodimlari yetib borishgan.
Holat yuzasidan dastlabki tergovoldi surishtiruv ishlari olib borilmoqda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter