Buxoroda yangi qurilayotgan yetti qavatli bino qulab tushgani xabar berildi
Bugun, 29-dekabr kuni ijtimoiy tarmoqlarda Buxoro shahri Nizomiy ko‘chasidagi endokrinologiya shifoxonasi yonida 7 qavatli bino qulab tushgani haqida xabarlar tarqaldi.
FVV ushbu ma’lumot yuzasidan bayonot berdi.
Ma’lum qilinishicha, ixtisoslashgan tashkilotlar mutaxassislari yuqoridagi manzilga zudlik bilan yetib borgan. O‘rganish davomida tarqatilgan ma’lumotlar haqiqatga to‘g‘ri kelmasligi aniqlangan, deyiladi xabarda.
27-dekabr kuni Ibn Sino ko‘chasida qurilayotgan 7 qavatli uyning 7-qavati oraliq qismida bo‘lgan 3 dona beton plita qulab tushgan.
Hodisa oqibatida tan jarohati olgan va halok bo‘lganlar yo‘q.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter