Avtomobilining davlat raqamiga o‘z qo‘li bilan o‘zgartirish kiritgan «Guanchjou Evergrand» (Xitoy) klubi futbolchisi Yu Xanchao politsiya tomonidan ushlandi. Bu haqda «Marca» yozmoqda.

33 yoshli futbolchi ko‘chaning o‘zidayoq avtoraqamidagi E ni F ga o‘zgartirayotgan jarayon kameralarga tushib qoldi.

Keyinchalik uni politsiya olib ketib, 15 sutkaga qamadi. Bundan tashqari, u 600 yevro jarimaga tortilib, haydovchilik guvohnomasidagi 12 ballni yo‘qotdi.

Ammo Yu Xanchaoga eng og‘ir jazoni klubi berdi — shartnomasini bekor qildi. Chunki «Guanchjou Evergrand» nizomida qonunni buzgan o‘yinchilarning shartnomasi bekor qilinishi to‘g‘risida band bor.

Nega E ning o‘rniga F degan savol tug‘iladi? Hamma balo futbolchining mashinasiga yopishtirilgan E harfida. Chunki amaldagi tartibga ko‘ra, shunaqa raqami borlar Guanchjou ko‘chalarida mashinalarini ketma-ket to‘rt kun boshqarishlariga ruxsat bor. Keyingi 96 soat, ya’ni to‘rt kun bu mashinani ko‘chaga haydab chiqish taqiqlanadi. Hammasi oddiy: to‘rt kun haydash, to‘rt kun dam.

Darvoqe, «Guanchjou Evergrand» bosh murabbiyi — afsonaviy Fabio Kannavaro.

China international Yu Hanchao has been sacked by Guangzhou Evergrande for altering his license plate 🚗

The 59-cap winger was filmed trying to change an E to an F on his car, possibly to avoid local traffic restrictions 🤨

🤷‍♂️ pic.twitter.com/3gkYGWP5ue

— Goal (@goal) April 14, 2020