Автомобилининг давлат рақамига ўз қўли билан ўзгартириш киритган «Гуанчжоу Эвергранд» (Хитой) клуби футболчиси Ю Ханчао полиция томонидан ушланди. Бу ҳақда «Marca» ёзмоқда.

33 ёшли футболчи кўчанинг ўзидаёқ авторақамидаги E ни F га ўзгартираётган жараён камераларга тушиб қолди.

Кейинчалик уни полиция олиб кетиб, 15 суткага қамади. Бундан ташқари, у 600 евро жаримага тортилиб, ҳайдовчилик гувоҳномасидаги 12 баллни йўқотди.

Аммо Ю Ханчаога энг оғир жазони клуби берди — шартномасини бекор қилди. Чунки «Гуанчжоу Эвергранд» низомида қонунни бузган ўйинчиларнинг шартномаси бекор қилиниши тўғрисида банд бор.

Нега E нинг ўрнига F деган савол туғилади? Ҳамма бало футболчининг машинасига ёпиштирилган E ҳарфида. Чунки амалдаги тартибга кўра, шунақа рақами борлар Гуанчжоу кўчаларида машиналарини кетма-кет тўрт кун бошқаришларига рухсат бор. Кейинги 96 соат, яъни тўрт кун бу машинани кўчага ҳайдаб чиқиш тақиқланади. Ҳаммаси оддий: тўрт кун ҳайдаш, тўрт кун дам.

Дарвоқе, «Гуанчжоу Эвергранд» бош мураббийи — афсонавий Фабио Каннаваро.

China international Yu Hanchao has been sacked by Guangzhou Evergrande for altering his license plate 🚗

The 59-cap winger was filmed trying to change an E to an F on his car, possibly to avoid local traffic restrictions 🤨

🤷‍♂️ pic.twitter.com/3gkYGWP5ue

— Goal (@goal) April 14, 2020