Berdimuhamedov «Jasur turkman» medali bilan taqdirlandi
Turkmaniston prezidenti Gurbanguli Berdimuhamedov yana bir faxriy mukofotga sazovor bo‘ldi. Respublika parlamenti uni «Jasur turkman» medali bilan taqdirladi.
Hukumat qarorida aytilishicha, medal Berdimuhammedovga Turkmaniston mustaqilligi va konstitutsiyaviy tuzumini himoya qilish, shuningdek, mamlakat mudofaasi va butun dunyoda tinchlikni mustahkamlashdagi alohida xizmatlari uchun berilgan.
Parlament, shuningdek, Arkadag‘ning murakkab harbiy texnikani boshqarishda yuqori mahoratini qayd etgan.
Ma’lumot uchun: «Jasur turkman» medali 2019 yilda ta’sis etilgan. Odatda medal harbiy xizmatchilar va huquqni muhofaza qilish organlari xodimlariga shaxsiy jasorati uchun beriladi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter