2023-yil 1-apreldan ayrim turdagi soliq imtiyozlari bekor qilinmoqda. Bu haqda Iqtisodiyot va moliya vazirligining «Fuqarolar uchun budjet – 2023» nashrida ma’lum qilindi.

Unga ko‘ra, quyidagi:

• QQS bo‘yicha faoliyatni moliyalashtirish manbasidan qat’iy nazar teng raqobat sharoitlarni yaratish maqsadida budjet mablag‘lari hisobidan har yillik mineral xomashyo bazasini rivojlantirish va qayta tiklash davlat dasturlari doirasida ko‘rsatiladigan geologiya xizmatlari;
• QQS dan pochta markalarini, markali otkritkalarni, konvertlarni realizatsiya aylanmalari;
• soliq to‘lovchilarning ish haqi va boshqa daromadlarining hayotni uzoq muddatli sug‘urtalash uchun yo‘naltiriladigan qismi bo‘yicha jismoniy shaxslardan olinadigan daromad solig‘i;
• ustav fondida (ustav kapitalida) xorijiy investitsiya ulushi kamida o‘ttiz uch foiz bo‘lgan xorijiy investitsiyalar ishtirokidagi korxonalar tomonidan bojxona hududiga olib kiriladigan mol-mulk bo‘yicha bojxona boji imtiyozlari yuqorida ko‘rsatilgan muddatdan bekor qilinadi.