«Arsenal» «Tottenxem»ni mag‘lub etib APLda 4-o‘ringa ko‘tarildi
Bugun, 2 dekabr kuni Angliya Premer ligasining 14-turida «Arsenal» hamda «Tottenxem» jamoalari o‘rtasidagi o‘yin yakunlandi.
O‘yinda 4:2 hisob bilan «Arsenal»ning qo‘li baland keldi.
«Arsenal»dan gollarni hujumchilar Aleksandr Lyakazett va Per Emerik Obameyang (2ta) hamda himoyachi Lukas Torreyralar kiritdi. «Tottenxem»dan Erik Dayer va Garri Keyn gol urishga muvaffaq bo‘ldi.
Ayni damda «Arsenal» 30 ochko bilan APL turnir jadvalida 4-o‘rinni, «Tottenxem» esa 5-o‘rinni egallab turibdi.
Keyingi turda «Arsenal» «Manchester Yunayted» bilan, «Tottenxem» esa «Sautgempton» bilan uchrashadi. Ikkala o‘yin ham 5 dekabr kuni bo‘lib o‘tadi.
Gollar: 1:0 – 10, penalti Obameyang, 1:1 – 30 Dayer, 1:2 – 34, penalti Keyn, 2:2 – 56 Obameyang, 3:2 – 74 Lyakazett, 4:2 – 77 Torreyra.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter