Amerika qit’asidagi And muzliklari 11 000 yil ichida eng kichik maydonga qisqardi. Tadqiqot shuni ko‘rsatdiki, Janubiy Amerikadagi to‘rtta muzlik (Pan de Azukar, Quesk, Zongo va Charkuini Norte) kutilganidan ancha tez erimoqda. 

Boston kolleji (AQSh) olimlari tog‘ toshlari namunalarini yig‘ishdi va berilliy-10 va uglerod-14 nodir izotoplari tarkibini tahlil qilishdi. 

And tog‘larida muzliklarning yo‘q bo‘lib ketishi «xavfli voqea» sifatida tan olingan. Taxminan 11 700 yil oldin Yerda muzlik davri tugagan va golotsen davri boshlandi. Muz qatlamlari asta-sekin chekindi, iqlim iliqroq va barqarorroq bo‘ldi. Qishloq xo‘jaligining rivojlanishiga va yanada murakkab jamiyatlarning paydo bo‘lishiga yordam beradigan yangi ekotizimlar rivojlandi.

Olimlarning fikricha, muzliklardagi o‘zgarishlar yangi davr – antropotsenga o‘tishni ko‘rsatishi mumkin. Erish, birinchi navbatda, qorning kamayishi va bulut qoplamining o‘zgarishi emas, balki haroratning ko‘tarilishi tufayli sodir bo‘lmoqda, deya xabar beradi Science.

«Bizning natijalarimiz shuni ko‘rsatadiki, tropik mintaqalar allaqachon golotsen va antropotsen davrida o‘rtacha miqdordan ko‘ra qizib ketgan», deb ta’kidladi ilmiy maqola mualliflari.