Joriy yilning 28-dekabr kuni Toshkentdagi Amiti universiteti hamda O‘zbekiston kompyuter va kibersport o‘yinlari assotsiatsiyasi o‘rtasida hamkorlik memorandumi imzolandi.

O‘zbekiston kompyuter va kibersport o‘yinlari assotsiatsiyasi mamlakatda kibersportni rivojlantirish va qo‘llab-quvvatlash, kompyuter sport turlari bo‘yicha milliy va xalqaro chempionatlar, kubok o‘yinlari va boshqa tadbirlarni tashkil etish ustida ishlamoqda.

Universitet va assotsiatsiya o‘rtasidagi Hamkorlik doirasida quyidagi yo‘nalishlar bo‘yicha ishlar olib borish ko‘zda tutilgan:

• O‘zbekistonda kibersportni rivojlantirishga qaratilgan qo‘shma loyihalarni ishlab chiqish;
• Qo‘yilgan maqsadlarga erishish uchun bino, jihozlardan o‘zaro foydalanish;
• Kompyuter sport turlari bo‘yicha tadbirlar o‘tkazish (mashg‘ulotlar, tajriba almashish, turnirlar va chempionatlar);
• Loyihalarni o‘zaro ishlab chiqish.

2021 yilga mo‘ljallangan ko‘plab turnir va tadbirlar rejalashtirilgan bo‘lib, xususan yanvar oyida Toshkent oliy o‘quv yurtlari talabalari o‘rtasida mukofot jamg‘armasi 100,000,000 so‘m bo‘lgan «University Cyber Cup» turniri o‘tkazilishi kutilmoqda.