Adliya vazirligi «Xabar.uz» axborot-tahliliy portali bilan aholining huquqiy ongi va huquqiy madaniyatini yuksaltirish, qonunchilikdagi yangiliklar bilan aholini tezkor xabardor qilish sohasida hamkorlik memorandumini imzoladi.

Memorandum doirasida quyidagi ishlar amalga oshiriladi:

• aholining, xususan yoshlarning huquqiy ongi va huquqiy madaniyatini yuksaltirishda manzilli targ‘ibot tadbirlarini o‘tkazish;
• qabul qilinayotgan qonun hujjatlarining ahamiyatini aholiga yetkazish;
• ishlab chiqilgan hujjat loyihalari va qabul qilinayotgan qonun hujjatlarini aholiga xalqchil va sodda tilda tushuntirishga qaratilgan tahliliy maqolalar tayyorlash;
• aholini qonun ijodkorligi faoliyatiga keng jalb etish;
• huquqiy sohadagi islohotlarni keng jamoatchilikka yetkazish, ushbu yo‘nalishni yorituvchi jurnalistlar faolligini oshirishda yangicha yondashuvlar joriy etishga qaratilgan turli tanlovlar va seminar-treninglar o‘tkazish kabi qator ishlarni amalga oshirish nazarda tutilmoqda.