9–12-sentyabr kunlari Toshkentdagi bir nechta ko‘cha yopiladi
Toshkent shahrida 9–11-sentyabr kunlari Tashkent Music Fest 2022 musiqa festivali o‘tkaziladi. Shu munosabat bilan 9 sentyabr soat 00:00 dan 12 sentyabr soat 18:00 gacha bir nechta ko‘cha yopiladi.
Bu haqda Toshkent shahar hokimligi matbuot xizmati xabar berdi.
Yopiladigan ko‘chalar:
Buyuk Turon ko‘chasi — Alisher Navoiy shohko‘chasi bilan kesishmasidan Mustaqillik shohko‘chasigacha;
Istiqlol ko‘chasi — Buyuk Turon ko‘chasi bilan kesishmasidan Hyatt Regency Tashkent mehmonxonasigacha;
Zarafshon ko‘chasi — Alisher Navoiy shohko‘chasi bilan kesishmasidan Mustaqillik shohko‘chasigacha;
Javaharla’l Neru ko‘chasi — Zarafshon ko‘chasi bilan kesishmasidan Mustaqillik shohko‘chasigacha.
Haydovchilarga aylanma yo‘llardan foydalanish tavsiya etilgan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter