AQShda bu yil qish har qachongidan sovuq keldi. Milliy meteorologiya xizmati 21 shaharda asriy rekordlar yangilangani haqida ma’lumot berdi.

Nebraska shtatining Linkoln va Gastings shaharlarida harorat -35 va -34 darajagacha pasayib ketdi. Oldingi rekordlar 40 yil avval kuzatilgan, ammo u paytda bundan 20 daraja iliqroq edi: -18 va -13 daraja sovuq.

Ayova shtatining Su-Siti shahrida harorat -33 darajagacha tushdi, bundan oldingi rekord 1936-yili qayd etilgan.

Ayrim shaharlarda asriy rekordlar yangilandi: Kanzas shtatidagi Topeka shahrida harorat -27 darajagacha tushdi (eski rekord 1903-yilda o‘rnatilgan).

Hatto janubdagi Texas shtatida ham qahraton bu yil zabtiga oldi: San-Antonio va Korpus-Kristida harorat -11 va -13 darajaga pasaydi (1895-yildagi rekord yangilandi).

Texas va boshqa shtatlardagi noqulay ob-havo qator muammolarni keltirib chiqardi, jumladan, elektrda uzilishlar yuz beryapti. Muzlashlar va qor bo‘ronlari yuzlab korxonalar faoliyatini to‘xtatib qo‘ygan. Kamida 15 kishi qish qahratoni qurboniga aylangan.