«Barclays» tahlilchilarining hisob-kitoblariga ko‘ra, eski «iPhone»larning ishini sekinlatish borasida yuzga kelgan mojarolar sabab «Apple» kompaniyaning savdo hajmi 2018-yilda sezilarli darajada kamayishi mumkin.

Bunga faqatgina «ishonchni yo‘qotish» masalasi aybdor emas. Ekspertlar agarda ushbu «voqea» oshkor bo‘lmaganida kompaniya o‘zining yangi qurilmalaridan qanchasini sotgan bo‘lishini hisoblab chiqdi. Bu haqida «Hi-tech.mail.ru» xabar berdi.

Eslatib o‘tamiz, avvalroq «Apple» o‘zining eski qurilmalari ishini sun’iy ravishda sekinlashtib qo‘yishi oshkor bo‘lgan va kompaniya buni tan olgandi. Shuningdek, «Apple» eski smartfonlarning akkumulyatorlarini 29 dollar evaziga almashtirib bermoqda.

Hisob-kitoblarga ko‘ra, batareyani almashtirishga «iPhone» egalarining 77 foizi da’vogar. Ularning aksariyati esa yangi qurilmani sotib olishi mumkin edi. Shunday ekan, ularning hech bo‘lmaganda 30 foizi kelgusi yilda yangilanishdan bosh tortgan taqdirga ham, «Apple»ning 16 million «iPhone» sotilmasdan qoladi (bu yillik savdo hajmining 4 foizi demakdir). Shunday qilib, eski «iPhone» modellarining ishlashini sekinlashtirilishi siri ochilgani «Apple» korporatsiyasiga 10 milliard dollar zarar keltiradi.

Ayni vaqtda muammo «iPhone 6», «iPhone 6 Plus», «iPhone 6S», «iPhone 6S Plus», «iPhone SE», «iPhone 7» va «iPhone 7 Plus» qurilmalariga tegishli. Ushbu qurilmalarning ishlashi ikki barobargacha susayishi mumkin.

Bu ham yetmaganidek, ko‘plab mijozlar «Apple»ga qarshi sud da’vo arizasini topshirgan.