10 kunlik tanaffusdan so‘ng Urganch-Xiva yo‘nalishidagi trolleybus qatnovi qayta tiklandi
Transport vazirligi Urganch–Xiva–Urganch yo‘nalishida trolleybuslar yana yo‘lovchilarga xizmat ko‘rsata boshlaganini ma’lum qildi. Joriy yilning 20-noyabridan Urganch – Xiva – Urganch yo‘nalishidagi trolleybuslar harakati vaqtincha to‘xtatilgandi.
Bunga Xorazm viloyati hokimligi Trolleybus boshqarmasiga qarashli yuqori kuchlanishli elektr simlari va transformatorlarida tegishli ta’mirlash ishlari olib borilayotgani sabab qilib ko‘rsatilgandi.
Qayd etilishicha, 30-noyabrdan Urganch – Xiva – Urganch yo‘nalishida trolleybuslar harakati qayta tiklanib, yo‘lovchilarga xizmat ko‘rsatish boshlangan.
Vazirlik xabarida mazkur yo‘nalishda 8 ta trolleybus tonggi 6:45 dan 18:45 ga qadar harakatlanishi ma’lum qilingan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter