O‘zbekistonda soliq tushumlari hajmi 17,2 foizga oshgan
Monitoring natijalariga ko‘ra, joriy yilning 1-yanvaridan 30 noyabrigacha bo‘lgan davrda respublika soliq tushumlari hajmi o‘tgan yilning shu davriga nisbatan 17,2 foizga oshgan.
Bu ko‘rsatkich Iqtisodiy tadqiqotlar va islohotlar markazining har oy o‘tkazadigan hududlardagi ishbilarmonlik faolligi tahlilida hisoblab chiqildi.
Jumladan, Farg‘ona (34,2 foiz), Samarqand (34,0 foiz), Buxoro (32,6 foiz), Jizzax (31,7 foiz), Sirdaryo (29,6 foiz) viloyatlarida, Qoraqalpog‘iston Respublikasida (31,9 foiz) va Toshkent shahrida (42,7 foiz) soliq tushumlarining sezilarli o‘sishi qayd etildi.
Budjetga soliq tushumlarining o‘sishi barqaror tendensiyani saqlab kelmoqda.
Tahlilarga ko‘ra, joriy yilning 11 oyi davomida soliq tushumlarining o‘sishiga: qo‘shilgan qiymat solig‘i (32,6 foiz) va aylanmada olinadigan soliq (44,4 foiz) katta ta’sir ko‘rsatdi. Shuningdek, yil boshidan buyon tashkilotlar tomonidan to‘langan daromad solig‘i 53,8 foizga ko‘paydi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter