Joriy yil 31-maydagi Prezidentning tegishli qaroriga asosan umumiy ovqatlanish sohasida oziq-ovqat chiqindilari hosil bo‘lishini kamaytirish va ortiqcha isrofgarchilikning oldini olish maqsadida «Oqilona iste’mol» dasturi ishlab chiqiladi.

Mazkur dastur 2023-yil 1-iyulga qadar Vazirlar Mahkamasiga kiritiladi.

Ushbu dasturda quyidagilar nazarda tutiladi:

• davlat organlari tomonidan tashkil etiladigan tadbirlarda oziq-ovqat iste’molining oqilona me’yorini belgilash, ortiqcha iste’molni kamaytirish, shu jumladan bir shaxsga bir martalaik ovqatlanish me’yorini belgilash;
• umumiy ovqatlanish sohasidagi tadbirkorlar va iste’molchilarning oziq-ovqat mahsulotlariga nisbatan mas’uliyatini oshirish;
• aholi o‘rtasida to‘g‘ri ovqatlanish odatlarini shakllantirish va ortiqcha isrofgarchilikning oldini olish hamda me’yoridan ortiq iste’molni targ‘ib qilishni cheklash;
• isrofgarchilikka yo‘l qo‘ygan shaxslarga moliyaviy choralar qo‘llash va nazorat mexanizmlarini o‘natish.