Buxoro viloyati IIB G‘ijduvon tumanidagi tovlamachilik jinoyati bilan bog‘liq holatning oldini oldi.

Qayd etilishicha, 2022-yil 9-dekabr kuni kuni G‘ijduvon tumani Zarangari mahallasida yashovchi 2005-yilda tug‘ilgan voyaga yetmagan H.Sh o‘zganing mulkini tovlamachilik yo‘li bilan qo‘lga kiritishni maqsad qilgan. U o‘ziga oldindan tanish bo‘lgan shu mahallada yashovchi yigit bilan o‘rtalarida bo‘lgan ishqiy munosabatlar to‘g‘risida oila-a’zolariga aytmaslik va tuman Ichki ishlar boshqarmasiga yozgan arizasi yuzasidan da’vo va e’tirozi yo‘qligini yozish evaziga 3 ming AQSh dollari berishni talab qiladi.

Buxoro viloyati IIB JQB xodimlari tomonidan o‘tkazilgan tezkor tadbir davomida u Dilkusho mahallasida talab qilingan pullardan, 1 ming AQSh dollarini olgan vaqtida ashyoviy dalillar bilan ushlangan.

Mazkur holat yuzasidan tuman IIB tomonidan Jinoyat kodeksining 165-moddasi 1-qismi bilan jinoyat ishi qo‘zg‘atilib, hozirgi kunda dastlabki tergov harakatlari olib borilmoqda.