Aktrisa Aida Yunusova 70 yoshda
Aida Yunusova filmlardan birida.
Taniqli aktrisa, O‘zbekistonda xizmat ko‘rsatgan artist Aida Yunusova 70 yoshga to‘ldi.
Aida Yunusova 1948-yilda Farg‘onaning Marg‘ilon shahrida tug‘ilgan. 1970 yili teatr va rassomchilik institutining drama teatri va kino fakultetini tamomlagan. Talabaligining oxirgi kursida rejissyorlar e’tiboriga tushib, kinoga taklif qilingan.
Uzoq vaqt davomida turli rollar ijro etdi. Jumladan, «Ajoyib xayolparast», «Chinor ostidagi duel», «Olovli yo‘llar», «Oltin kuz», «Mehrigiyo», «Zulmatni tark etib», «Karvon», «Anor», «Birinchi yo‘lovchilar» kartinalarida qatnashdi.
Aktrisa sifatida 1989-yilgacha «O‘zbekfilm»da faoliyat ko‘rsatdi. Shundan so‘ng kinoni tark etdi. Ma’lum tanaffusdan so‘ng yana kinoga qaytdi va ekranda ko‘rina boshladi.
Aida Yunusova yaqinda og‘ir xastalikni boshdan kechirgandi. Ayni damda uning sog‘lig‘i ancha tiklangan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter