AOKA «Kinoteatr»dagi yalang‘och sahnani ham o‘rganishni boshladi
Ijtimoiy tarmoqlarda «Kinoteatr» telekanali orqali efirga uzatilgan filmlarning birida ochiq sahnalar namoyish etilgani haqidagi lavha jamoatchilik muhokamalariga sabab bo‘ldi. Holat yuzasidan AOKA bayonot berdi.
Qayd etilishicha, mazkur lavha 2022 yilning 31 yanvar kuni soat 22:00da efirga uzatilgan «Baunti» filmi namoyishidan olingan.
«Holat yuzasidan O‘zbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi tomonidan dastlabki o‘rganish ishlari olib borilmoqda. O‘rganish ishlari Agentlik tomonidan nazoratga olinib, ekspertlar tayinlandi.
O‘rganish yakunlari yuzasidan tayyorlangan xulosa asosida «Kinoteatr» telekanaliga taqdimnoma hamda O‘zbekiston Respublikasi Bosh prokuraturasiga huquqiy baho berish uchun ma’lumot kiritiladi», deyiladi bayonotda.
Eslatib o‘tamiz, avvalroq «Sevimli» telekanalida namoyish etilayotgan milliy serialni AOKA o‘rganishni boshlagani xabar qilingandi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter