Kuni kecha bo‘lib o‘tgan Respublika maxsus komissiyasining O‘zbekiston Respublikasiga koronavirusning kirib kelishi va tarqalishining oldini olish yuzasidan chora-tadbirlar dasturini tayyorlash bo‘yicha navbatdagi yig‘ilishida mamlakatimizda koronavirus infeksiyasiga qarshi kurashish bo‘yicha bir qator masalalar muhokama qilindi.

Yig‘ilishda Sanitariya-epidemiologiya xizmatiga O‘zbekiston Respublikasida koronavirus infeksiyasi (COVID-19)ga qarshi emlashni o‘tkazish algoritmi va alohida tartibini ishlab chiqish bo‘yicha topshiriq berilganidan barcha boxabar. Bunda koronavirus infeksiyasiga qarshi emlashni faqatgina ixtiyoriylik tamoyili asosida amalga oshirish, shuningdek, birinchi navbatda koronavirus yuqish xavfi darajasi yuqori bo‘lgan quyidagi shaxslarni emlash nazarda tutiladi:

• 65 yoshdan oshgan qariyalar va keksalar; 
• surunkali kasalliklari bor shaxslar;
• tibbiyot xodimlari;
• maktab va maktabgacha ta’lim tashkilotlari;
• aholi bilan bevosita muloqotga kirishadigan huquqni muhofaza qiluvchi organlar xodimlaridir.

O‘zbekistonda birinchi bo‘lib vaksina oldiganlar toifalarning ro‘yxati ma’lum qilindi. Bu odamlar vaksinani qachon olib boshlaydi, bu toifalarga kirmaganlarni ommaviy emlash qachon boshlanadi degan savollar yuzaga kelmoqda. Bu haqda Koronavirusga qarshi kurash shtabi quyidagilarni ma’lum qildi.

Respublikada toifalar bo‘yicha COVID-19ga qarshi emlash 2021 yilning mart  oyini birinchi yarmida boshlanishi rejalashtirilgan.

Qoraqalpog‘iston Respublikasi, viloyatlar va Toshkent shahrida jami bo‘lib davolash profilaktika muassasalari qoshida 3138 ta emlash xonalari va 820 ta mobil brigadalar tashkil etilgan, ular barcha emlash ishlarini jadval va  bosqichma-bosqich amalga oshiriladi.

Respublika bo‘yicha xavf guruhiga kiruvchi aholini emlash ishlari yakunlanishi va respublikaga vaksina kelishiga binoan qolgan aholi ham emlanadi.

Jahon sog‘liqni saqlash tashkiloti tomonidan tavsiya etilgan vaksinalar respublikada qo‘llaniladi (hamkor tashkilotlar tomonidan joriy yilda COVID-19ga qarshi vaksinani amaliyotga kiritish uchun O‘zbekiston Respublikasi aholisining 20 foizi miqdorida koronavirusga qarshi emlash uchun vaksinaga buyurtma tayyorlanib, COVAX jamg‘armasiga yuborildi).

Hozirgi vaqtda O‘zbekiston Respublikasi Sanitariya-epidemiologik osoyishtalik va jamoat salomatligi xizmati tomonidan GAVI toshkilotining COVAX jamg‘armasiga, SOVID-19 infeksiyasiga qarshi vaksina ishlab chiqaruvchi 12 ta yetakchi korxonalar bilan ushbu vaksinalarni xarid qilish bo‘yicha muzokaralar olib borilmoqda.

Ta’kidlanishicha, joriy yilning iyul oyiga Xitoyning «Ayhui Zhifei Longcom Biopharmaceutical» Co. Ltd. kompaniyasi tomonidan ishlab chiqilgan va respublikamizdagi o‘tkazilayotgan klinik sinovlari muvaffaqiyatli o‘tgandan so‘ng koronavirusga qarshi vaksinasini sotib olinishi ham rejalashtirilmoqda.