Android qurilmalar uchun Xabar.uz mobil ilovasi. Yuklab olish ×

Boshqa viruslarga o‘xshamaydi: koronavirusning g‘alati xususiyati aniqlandi

Boshqa viruslarga o‘xshamaydi: koronavirusning g‘alati xususiyati aniqlandi

Foto: «Iz.ru»

Avstraliyaning Flinders universiteti olimlari e’tiborini SARS-CoV-2 koronavirusini bosh viruslardan farqlab turuvchi bir jihat tortdi. «Izvestiya» yozishicha, jonli organizmlarning mazkur virusga bardoshi sinab ko‘rilganida koronavirus aynan inson hujayralariga eng oson moslashishi aniqlangan.

Mutaxassislar SARS-CoV-2 organizmga ACE2 retseptori orqali kirishi va oqsillar yordamida hujayralar bilan birikishini kuzatishdi. Birikishning eng mustahkami aynan odam hujayralari bilan bo‘ldi.

Taqqoslash uchun: ko‘rshapalaklarda aniqlangan shtamm o‘z egasi organizmi muhitiga bunchalik moslashuvchan emas.

«Ilgari inson organizmida hech qachon bo‘lmagan yangi virus (SARS-CoV-2) inson retseptorlari bilan o‘ta yuqori darajada bog‘lana olishi bizni ajablantirmoqda», — dedi Flinders universiteti professori Nikolay Petrovski.

Koronavirus inson tanasiga shunchalik yaxshi moslashdiki, endi u aloqani ushlash uchun mutatsiyalanishgayam ehtiyoj sezmayapti, ta’kidlaydi professor.

Izohlar

Izoh qoldirish uchun saytda ro'yxatdan o'ting

Kirish

Ijtimoiy tarmoqlar orqali kiring