Xitoyning Xuajun fan va texnologiya universiteti olimlari atrof-muhit va insonning psixologik holati o‘rtasidagi bevosita bog‘liqlikni aniqlashdi. Tadqiqotlar shuni ko‘rsatdiki, yashil hududlarda yashash depressiya va tashvish darajasini pasaytiradi.

Olimlar Britaniya biobanki ma’lumotlar bazasida saqlangan 409 556 kishining ma’lumotlarini tahlil qilishdi. Ular yashil hududlarning respondentlarning uylariga yaqinligini, farovonlik, kasalxonaga yotqizish va o‘lim haqidagi ma’lumotlarni baholadilar.

Har bir ishtirokchining uyidagi yashillik darajasi 300, 500, 1000 va 1500 metr radiusda baholandi. Shundan so‘ng olimlar keyingi 12 yil davomida insonning ruhiy kasallikka chalinish xavfini baholadilar.

Natijalar shuni ko‘rsatdiki, yashil maydonlarda uzoq vaqt bo‘lish depressiya va tashvishlanish xavfini kamaytiradi. Olimlarning fikriga ko‘ra, qulayroq ekologik vaziyat va toza havo muhim rol o‘ynamaydi, deya xabar beradi Nature Mental Health.

«Bizning tadqiqotimiz shuni ko‘rsatadiki, shahar yashil maydonlarini kengaytirish ruhiy salomatlikni yaxshilashi mumkin», dedi tadqiqot mualliflari.