Xalqaro matbuot markazida Oliy Majlis Qonunchilik palatasi va mahalliy Kengashlarga bo‘lib o‘tgan saylovning dastlabki natijalari e’lon qilindi.

Markaziy saylov komissiyasi raisi M.Abdusalomovning qayd etishicha, saylovlarda 13 963 627 nafar saylovchi ishtirok etdi.

Bu Yagona elektron ro‘yxatga kiritilgan saylovchilar umumiy sonining 67,8 foizdan ko‘prog‘ini tashkil etadi.

Dastlabki natijalarga ko‘ra, Oliy Majlis Qonunchilik palatasi deputatligi uchun kechgan saylovda:

128 okrugda deputatlar saylandi.

• O‘zLiDeP — 43  ta,
• «Milliy tiklanish» DP — 35 ta,
• «Adolat» SDP — 21 ta,
• XDP — 18 ta,
• Ekologik partiya — 11 ta o‘rin olishga erishdi.

Saylov kodeksiga ko‘ra, ovoz berishda ishtirok etgan saylovchilarning yarmidan ko‘pining ovozini, ya’ni 50 foizdan ortiq ovoz olgan nomzod deputat etib saylangan, deb hisoblanadi.

Qonunchilik palatasiga saylov o‘tkazuvchi 22 okruglarda nomzodlarning birontasi ham yetarli miqdorda ovoz ololmaganligi sababli mazkur okruglardan deputat saylanmadi.