Android qurilmalar uchun Xabar.uz mobil ilovasi. Yuklab olish ×

Ota-ona qaramog‘isiz qolgan 16 nafar bola O‘zbekistonga qaytarildi

Ota-ona qaramog‘isiz qolgan 16 nafar bola O‘zbekistonga qaytarildi

Videodan skrinshot

Rossiyada ota-ona qaramog‘isiz qolgan yana 16 nafar bola O‘zbekistonga qaytarildi, bu haqda Ijtimoiy himoya milliy agentligi xabar berdi.

Xabarga ko‘ra, bugun, 5-aprel kuni tongida mamlakatimizning 16 nafar voyaga yetmagan fuqarosi Rossiyaning Sankt Peterburg shahridan O‘zbekiston ichki ishlar va sog‘liqni saqlash vazirliklari xodimlari hamrohligida vatanga qaytarilgan.

Sankt Peterburg va Moskvadagi O‘zbekiston konsullik idoralari bolalarni davlat fuqarosi sifatida identifikatsiya qilish va ularga qaytish sertifikatlarini rasmiylashtirish bo‘yicha barcha choralarni ko‘rgan. Bolalar Toshkent shahar IIBB qoshidagi Voyaga yetmaganlarga ijtimoiy-huquqiy yordam ko‘rsatish markaziga vaqtincha joylashtirilgan.

Markazda ularni ota-onalari va yaqin qarindoshlari «Inson» ijtimoiy xizmatlar markazlari tomonidan oldindan tayyorlangan vasiylik hujjatlari bilan kutib olishdi. Voyaga yetmaganlarga ijtimoiy yordam ularning keyingi yashash joylarida ham davom ettiriladi, deyiladi xabarda.

Olib kelingan 16 nafar bolaning 11 nafari ota-onalariga, qolganlari vasiylik asosida qarindoshlariga topshirilgan.

Izohlar

Izoh qoldirish uchun saytda ro'yxatdan o'ting

Kirish

Ijtimoiy tarmoqlar orqali kiring