Farg‘onada xonadonlarga quyosh panellari o‘rnatilmoqda
Farg‘ona tumanidagi «Mindonobod» va «Novkent», Yozyovon tumanidagi «Qotortol», Qo‘shtepa tumanidagi «O‘qchi» mahalla fuqarolar yig‘inlarida joylashgan xonadonlar quyosh panellari o‘rnatiladi.
Viloyat hokimligining xabar qilishicha, dastlabki bosqichda Farg‘ona tumani «Novkent» MFY hududidagi mavjud 426 ta xonadonning 108 tasiga quyosh panellarini o‘rnatish belgilangan.
Bundan tashqari, tumanning «Mindonobod» MFY hududida ham 862 ta xonadon mavjud bo‘lib, shundan dastlabki bosqichda 290 ta xonadonga quyosh panellarini o‘rnatish rejalashtirilgan.
Natijada bu ikki hududda qariyb 82-85 foiz elektr energiyasi iste’molini tejashga erishilishi kutilmoqda.
Quyosh panellari o‘rnatilgan xonadonlarga soliq imtiyozlari berilishi ham ko‘zda tutilgan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter