Do‘kondagi sotuvchi firibgar bo‘lib chiqdi
![Do‘kondagi sotuvchi firibgar bo‘lib chiqdi](https://static.xabaruz.com/crop/2/9/720_460_95_2913396260.jpg)
Andijon viloyatida do‘kon sotuvchisi xaridorga bildirmasdan uning plastik kartasidan salkam 2,5 mln so‘mni yechib oldi. Bu haqda IIV Kiberxavfsizlik markazi xabar berdi.
Viloyatning Buloqboshi tumanida istiqomat qiluvchi S.J. (1997-y.t.) uning bank kartasidan noma’lum shaxs 2 451 000 so‘m pulni yechib olgani yuzasidan qonuniy chora ko‘rishni so‘rab ichki ishlarga murojaat qilgan.
Olib borilgan tezkor-qidiruv tadbirlari natijasida firibgarlik yo‘li bilan pullarni o‘zlashtirgan shaxs Andijon viloyatining Xo‘jaobod tumanida yashovchi S.A. (1991-y.t.) ekanligi aniqlangan.
Do‘kon sotuvchisi S.A. S.Jning bank kartasini o‘zining mobil qurilmasiga o‘tkazib, banka kartasi egasidan «Telefonimni quvvati tugab qolgan, sizning telefoningizdan foydalanib olay», deb SMS-xabarnomani qo‘lga kiritish orqali pullarni o‘zlashtirgani ma’lum bo‘ldi.
S.A.ga nisbatan O‘zR. JKning 168-moddasi 3-qismi bilan jinoyat ishi qo‘zg‘atilib, tergov harakatlari olib borilmoqda, deyiladi xabarda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter