Joriy yilning 27 aprelidan 28 aprelga o‘tar kechasi Buxoro, Navoiy va Samarqand viloyatlarida sodir bo‘lgan tabiiy ofat aholining bino-inshootlariga, qishloq xo‘jaligi ekinlariga hamda yuridik va jismoniy shaxslarning boshqa mulklariga katta talofat yetkazilgan edi. Ushbu zarar «O‘zagrosug‘urta» tomonidan qoplab berilishi xabar qilindi.

Xabarga ko‘ra, «O‘zagrosug‘urta» AJ Boshqaruvi rahbari boshchiligidagi tashkilotning Ishchi guruhi o‘sha kuniyoq Buxoro viloyatiga yetib bordi va hududdagi mavjud holatni joyida o‘rganishga kirishdi.

Ko‘rilgan choralar natijasida xalqimizning mol-mulki, qishloq xo‘jaligi ekinlari va bino-inshootlariga yetkazilgan zararlarni qoplash maqsadida (27 aprel - 1 may holatiga) 2 mlrd.so‘mga yaqin sug‘urta tovoni to‘lab berilmoqda va aytish mumkin bu jarayon izchil davom ettiriladi.

«Ayrim ijtimoiy tarmoqlarda Buxoro viloyatida bo‘lgan tabiiy ofatda sug‘urta kompaniyalari ko‘rilgan talofatlarda chetda turibdi, sug‘urta tovonlari to‘lanmayotganligiga urg‘u berib, ma’lumotga ega bo‘lmasdan bong uribdi, bu noto‘g‘ri», — deyiladi «O‘zagrosug‘urta» tomonidan berilgan xabarda.