Toshkentda sudya pora olishda ayblanmoqda
Toshkent shahar jinoyat ishlari bo‘yicha Yashnobod tuman sudi sudyasi jinoiy javobgarlikka tortiladi.
Bugun, 17 fevral kuni Sudyalar oliy kengashining navbatdan tashqari yig‘ilishida Bosh prokurorning Toshkent shahar jinoyat ishlari bo‘yicha Yashnobod tuman sudi sudyasi I.B.ni Jinoyat kodeksining 210-modda (Pora olish) 2-qismi «v» bandi bilan jinoiy javobgarlikka tortishga oid taqdimnomasi muhokama qilingan.
Kengash xulosasi bilan I. B.ni jinoiy javobgarlikka tortishga rozilik berilgan va uning sudyalik vakolati to‘xtatilgan.
«Tergov siri va aybsizlik prezumpsiyasi talablaridan kelib chiqib, boshqa tafsilotlar oshkor qilinmaydi», deyiladi kengash xabarida.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter