Andijonda bir kishini ayovsiz kaltaklagan shaxslar ushlandi
29 iyun kuni Andijonda bir necha kishi fuqaroni temir jism bilan urib, tan jarohati yetkazgani aytilgan video tarqalgandi. Ushbu holat yuzasidan Andijon viloyati IIB matbuot xizmati ma’lumot berdi.
Qayd etilishicha, mazkur holat bo‘yicha jinoyat sodir etishda gumonlanayotgan barcha shaxslar qo‘lga olingan. Ularga nisbatan Xo‘jaobod tumani IIB huzuridagi Tergov guruhi tomonidan JKning 105-modda 2-qismi «i» bandi bilan jinoyat ishi qo‘zg‘atilgan.
«Hozirda jinoyat ishi yuzasidan dastlabki tergov harakatlari olib borilmoqda. Ushbu jinoyatni sodir etishda gumonlanayotgan shaxslarga nisbatan jazoning muqarrarligi ta’minlanadi», deyiladi xabarda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter