Ichki ishlar vazirligi moped va skuterlarni vaqtincha davlat ro‘yxatidan o‘tkazish tartibini tasdiqlash to‘g‘risidagi qaror loyihasini tayyorladi. Qonun loyihasi Normativ-huquqiy hujjatlar loyihalari muhokamasi portalida e’lon qilindi.

Yangi toifaga quyidagi talablarga mos transport vositalari kiradi:

• hajmi 25 dan 50 kubometrgacha bo‘lgan ichki yonish dvigatelining mavjudligi yoki quvvati 0,25 dan 4 kVt gacha bo‘lgan elektr motor;
• konstruktiv maksimal tezligi soatiga 25 dan 50 kmgacha.

Mopedlar va skuterlar uchun maxsus davlat raqamlari joriy qilingan (mos ravishda XI1 va XIE1). Ular mototsikllarnikiga o‘xshash formatga ega bo‘ladi va hajmi kamayadi.

Yangi raqamlarni berish 1-iyuldan boshlanishi rejalashtirilgan. Olti oydan so‘ng, 2025-yil 1-yanvardan boshlab umumiy foydalanishdagi avtomobil yo‘llarida moped va skuterlarning ro‘yxatdan o‘tmasdan harakatilanishini taqiqlash rejalashtirilmoqda.

Qolaversa, shu kundan boshlab avtomototransport vositalarini ro‘yxatdan o‘tkazish va ularga davlat raqam belgilarini berish uchun arizalar qabul qilishni kengaytirish rejalashtirilgan. Ular Yo‘l harakati xavfsizligi xizmatiga call-markaz, veb-sayt, mobil ilova, shuningdek, Yagona portal orqali yuborilishi mumkin.

Shuningdek, auksion orqali avtomobil raqamlarini sotishdan tushgan tushumni taqsimlashga o‘zgartirishlar kiritilmoqda. Endi har bir raqamdan BHMning 3,5 baravari (1,19 mln so‘m) miqdorida belgilangan summa «Gid License Plate» kompaniyasiga, qolgan pullarning 80 foizi davlat budjetiga va 20 foizi ichki ishlar vazirligining maxsus fondiga tushadi.

Normativ-huquqiy hujjatlar loyihalari muhokamasi portalida joylangan qonun loyihasi muhokamasi 4-aprelga qadar davom etadi.