Britaniyalik ayolning jasadi qoldiqlari uning o‘limidan ikki yil o‘tib kvartirasidan topildi. Qo‘shnilar uydan chiqayotgan noxush hidni payqab, 2019-yilda  shikoyat qilishgan. Bu haqda Daily Mailga asoslanib Mir24 ma’lum qilmoqda.

Dastlab ayolning pochta qutisida xat va hisob-kitoblar to‘planib qolganini ko‘rgan qo‘shnilar xavotirga tushishgan. Uning ijara uchun minglab funt qarzi borligi ham aniqlangan.

Marhumning uyiga so‘nggi tashrif 2020-yilda gaz ishchilariga tegishli bo‘lgan. Ular xonadon eshigiga gazni sinovdan o‘tkazish uchun majburiy kirish to‘g‘risida eslatma qoldirib ketgan.

Faqat 2022-yil 18-fevral kuni hodisa yuzasidan politsiyaga murojaat qilindi. Yetib kelgan huquq-tartibot idoralari xodimlari xonadon eshigini buzib kirib, ayolning jasadini topdi.

«Menga u allaqachon skeletga aylanganini aytishdi va ayolning fuqaroligini tasdiqlashni so‘rashdi»,— degan marhumning qo‘shnisi jurnalistlarga.

Boshqa bir qo‘shni xonadondan chiqayotgan badbo‘y hidni to‘xtatish maqsadida eshik ostiga sochiq suqib qo‘yganligini aytib o‘tgan.