Beruniyda «Neksiya» va avtobus to‘qnashdi. Qurbon va jabrlanganlar bor

7-may kuni soat 20:10 larda Qoraqalpog‘iston Respublikasi, Beruniy tumani, «Oltinsoy» MFY hududidan o‘tgan ichki avtomobil yo‘lida YTH sodir bo‘ldi.
IIV YHXBB axborot xizmati xabariga ko‘ra, haydovchi 1972 y.t. M.A. «Neksiya» rusumli transport vositasini yuqori tezlikda boshqarib ketayotib, rul boshqaruvini yo‘qotib, qarama-qarshi yo‘nalishga chiqib ketib, qarshisidan o‘z yo‘nalishida harakatlanib kelayotgan haydovchi 1990 y.t. Sh.N. boshqaruvidagi «Isuzu» rusumli avtobus bilan to‘qnashgan.
Natijada, «Neksiya» haydovchisi 48 yoshli M.A. og‘ir tan jarohati olib voqea joyida vafot etgan. Ushbu avtomashina yo‘lovchilari 1976 y.t. M.U., 1976 y.t. R.M. hamda «Isuzu» rusumli avtobus yo‘lovchisi 1997 y.t. M.R. tan jarohati olib shifoxonaga yotqizilgan.
Mazkur YTH yuzasidan Beruniy tumani IIB TB tomonidan surishtiruv harakatlari olib borilmoqda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter